ازاي تعرف الفبلم المصري

عندما يكون البطل مريضا وتقدم لة البطلة حبة الدواء مع كوب ماء
وبعد ان يبتلعها وتسأله البطلة فورا ,, ها عامل اية دلوقتي ؟
المفاجأة انه يرد عليها الحمد لله بقيت احسن
(كدة بالسهولة دى هو واخد حبة البركة ولا أيه)



عندما يصل البوليس الي موقع الجريمة دون ان يبلغه احد
( تقريبا المخرج هو اللي بلغ علشان يصور اومال هيصور ايه )




عندما يصاحب مشهد التغرير بالبطلة لقطات الامطار الغزيرة والبرق
والرعد والشباك الذي ينفتح بقوة علي مصراعيه
(وتلاقى البلطة فى الفيلم مصيفة)


عندما تفاجئ باغنيه مالهاش أي لزمه في نص الفيلم مش عارفة اية العلاقه
بين الاغنية والفيلم




عندما يكون من المستحيل ان تجد الهاتف مشغول




العبارة الساذجة الشهيرة التلي تصطحب مشهد القبض علي المجرم
( مفيش جريمة كاملة وانت فاكر انك هتهرب من البوليس بعملتك دي )




عندما يسكر البطل فتجدة يصب كوب ممتلئ علي اخره
( بيسكر بعصير قصب )




عندما يخرج الطبيب من غرفة العمليات يرد جملة من ثلاث جمل
( اضطرينا نضحي بالجنين ) ( شدو حيلكوا يا جماعه ) ( العمليه نجحت بس )
مش هتقدروا تشوفوه دلوقتي )


عندما يجلس البطل والبطله في نفس الكازينو بتاع كل فيلم اللي في وش
ماسبيرو
ويطلبوا نفس العصير اللي في كل الافلام
تانج او ميراند)ا )
ويخلص المشهد من غير ما حد يشرب حاجة علشان هيتصور بالمشاريب دى فيلم
تاني




عندما يصاب البطل بطلق ناري في قلبه وتنزف الدماء من بطنه زي صلصلة
الكشري ويظل يتحدث بطلاقه وتركيز لمدة خمس دقائق

يقوم خلالها بفك لغز الفيلم والاعلان عن القاتل الحقيقي او البطل يبقي
ابن مين




عندما تسمع صرير احتكاك كاوتش العربيات اللي بطارد بعض وتقريبا بتبقي
عربيات 128 وماشية حوالي 30 كليو




عندما تتناول الابنة الفطار وهيا واقفة وبتاخد لقم سريعة فتقولها
الوالدة ما تفطري يابنتي كويس
تقولها لا علشان الحق المحاضرة وتبوسها وتمشي فتنظر الوالدة الي
الوالد ويبدأن في الدعاء



عندما تغير حرب اكتوبر اخلاق كل المنحرفين الموظف المرتشي والجاره
اللعوب والبلطجي والمجرم بطبعه




عندما تجد مقر العصابة ملئ بالقش والبراميل الخشبية التي تستخدم لاحقا
في الخناقة




جميع الطلبة يدرسون في جامعة القاهرة ويذهبون للجامعة مرورا بتمثال
نهضة مصر

هههههههههها منور ميمو

ههههههههههههههههه
ههههههههههه
ههههههه
بجد عندك حق
هو ده الفيلم العربى
تسلم ايدك
تحياتى الك
NOor

المنتدى منور بأصحابو يا ( أدمن )
وياراب مان لا معنديش تعاليق علي الافلام الهندي لاني مش بحب أفلامهم
وبعدين انا مصري وعايشين في مصر واكتر الافلام اللي بنشوفها مصري
والحاجات دي هتلاقيها في افلامنا

ههههههههههههه
حلوه فكرة الفلم العربى ديه
ههههههههه
انت بجد مواضيعك كلها حلوه اوى وعجبانى

شكرا لكي يا نور

ههههههههه
عندك حق هو ده الفيلم العربي

شكرا ميمو بجد حلو

شكرا يا ( asma )
شكرا يا ( دينا )
شكرا لمروركم وتعليقاتكتم